منتدى دعم PBBoard الرسمي
(نسخة قابلة للطباعة من الموضوع)
https://pbboard.info/forums/t8613
أنقر هنا لمشاهدة الموضوع بهيئته الأصلية

شركات الربح مقابل مشاهدة الاعلانات أو ptc
ضياء 11-01-2012 02:22 صباحاً
السلام عليكم يا شباب

أعضاء بى بى بورد
معظم زوار وأعضاء المنتدى هم أصحاب منتديات / أصحاب مواقع أخرى غير المنتديات / مبرمجين / مصممين ..... إلخ أو شخص لسة هيفتح منتدى
أكثر المشاكل اللى بتواجه معظمنا لإفتتاح منتدى واشهاره وجذب الزوار إليه هو التمويل ولأن معظم اللى بيفتحوا منتديات من سن 13 إلى 30 عام أو أقل من ال30
وهدف كل واحد منا من انه يفتح منتدى هو الربح أو نشر العلم أو التفاخر بأنه يملك منتدى كبير مشهور بين أصحابه ولما يحسب التكاليف إستضافة ودومين أقل شىء 100 جنيه وكثيرين لايملكون ال100 جنيه علشان يقدر يحجز استضافة شاملة دومين هدية واما ان يفتح منتدى مجانى ويكون مصيره الفشل فى الغالب أو اللى يملك تكاليف افتتاح منتدى بيحجز استضافة ويفتحمنتدى قد يكون ناجح ولكن بعد افتتاح المنتدى تكون المشكلة فى الدعاية sad والإشهار
مبلغ 100 جنيه مبلغ قليل فعلا ولكن اللى بياخد مصروفه من أبوه وخصوصا اذا كانت حالة أبوه المادية سيئة أو متوسطة فلا اظن انه هيدفع 100 جنيه لإبنه علشان يعمل منتدى
المهم مش هاطول عليكم smile
ممكن انتا توفر فلوسك وتفتح منتدى مدفوع وعلى استضافة عالمية أو على الأقل تكون كويسة من غير ما تدفع فلوس ويكون الدومين والمنتدى بالكامل ملكك وحدك
الطريقة بسيطة: فيه شركات بتدفع فلوس للى يشوف اعلانات فيها
اسمها شركات الـــ ptc :
اختصار لثلاث كلمات paid to click
كل اللى تعمله هو انك تضغط على روابط الاعلانات والعداد يخلص 30 ثانية مثلا ويتحسب لك سنت مثلا أو على حسب الشركة ممكن يكون أقل أو أكثر
سنت مقابل كل اعلان ، 10 إعلانات = 10 سنت * 10 شركات = 100 سنت فى اليوم ، يعنى فى خلال شهر تكون كسبت 30 دولار أو أقل أو أكثر
بتفرق على حسب الشركات اللى انتا بتشوف اعلاناتها و 30 دولار = 180 جنيه مصرى تقريبا = ثمن اشتراك استضافة لا بأس بها ولمدة سنة وتفتح منتداك ومكسبك من الشهر اللى بعده 30 دولارأو أقل تعمل بيهم دعاية للمنتدى أو تشترى رصيد للموبايل أو تعمل بيهم اى حاجة تانية
المهم هو انك تبعد عن الشركات النصابة حتى لو ربحك منها كتير وتستمر مع الشركات المضمونة حتى لو ربحك منها قليل وحاول تنتقى شركات قليلة مضمونة أفضل من انك تتعامل معشركات كتير مش مضمونة علشان تحافظ على وقتك

أفضل الشركات المضمونة فى المشاركة القادمة ان شاء الله
منتدى دعم PBBoard الرسمي

Copyright © 2009-2024 PBBoard® Solutions. All Rights Reserved