اعضاء المنتدى الكرام
النهاردة معادنا مع اول درس فى كورس الصيانة
وهيكون عن مكونات الجهاز الاساسية
يعنى زى ما بنقول كدا
المكونات المادية للجهاز
واهمية كل من هذه المكونات
وهنتناول اليوم
قطعتين فقط من هذه القطع
على ان يتم استكمال باقى الدرس الاسبوع القادم
وهذا لاعطاء كل قطعة حقها
بسم الله نبدأ
نبدأ مع اول شئ فى الجهاز
وهى ال case
او الكيسة زى ما بنقول عليها
ودا شكل ليها
ودية اللى بتحتوى على مكونات الجهاز من الداخل
يعنى مثلا زى غرفة صالون
وداخلها تحتوى الصالون
هل الكيسة بتختلف من نوع لاخر؟
اكييييييييد
لما نيجى نشترى كيسة لازم اول حاجة نبص للفروقات
وفى الغالب اللى بيفرق ما بين الكيسات
الباور سبلاى اللى راكب فى الكيسة
صورة للباور سبلاى
مكانه فى الكيسة
يركب فى الكيسة من الخلف
فى اعلى الكيسة
كما هوا موضح بالصورة
وهوا دا اللى بيفرق فى اسعار الكيسات
تتراوح اسعار الكيسه ما بين 100 الى 200 جنيه
وهناك اسعار اعلى
ولكن هذا هو الشائع
والسبب فى تفاوت هذا السعر هوا تفاوت ماركة الكيسة
حيث ان هناك شركات مصنعة تقوم بتصنيع باورات سبلاى افضل بكثير من ماركات اخرى
فالكيسة التى تكون سعرها مائة جنيه
تكون اقل كفاءة
من حيث امداد البوردة بالكهرباء او حمايتها من الكهرباء الشديدة
حيث ان الباور سبلاى هو الجزء الاهم فى الكيسة للحفاظ عليها
كلما كان جيدا كلما حافظ على قطع الهارد وير من التلف من الكهربا
وكلما كان الوات الخاص بالباور سبلاى اعلى
كلما كان اغلى سعرا
وكلما كانت المكونات المادية داخل الباور سبلاى جيدة كلما كان اعلى سعرا
فهناك باورات تحتوى على اى سى ينتفخ مع كتر الاستعمال الى ان يصاب بالشلل التام
فهناك باور سبلاى لا يحتمل زيادة الكهرباء اكثر من مرتين او ثلاثة
وهناك باورات اخرى تستحمل اكثر بكثير
وهناك باور سبلاى يحتوى على سبلايزر داخلى
وظيفة هذا السبلايزر هى عندما تأتى الكهرباء شديدة جداااااااااااا
هى حماية قطع الجهاز من الضرر
حيث يمتص الكهرباء العالية قبل وصولها الى ايا من قطع الجهاز
وهذا هو الافضل على الاطلاق
وغالبا ما تنتجه شركة جاما
ومن رأيى يعد اهم قطعة فى الجهاز ككل
لذلك عند شراءنا لكيسة
يجب علينا انتقاء الافضل
وفى رأيى فى السوق المصرى
لا تلتفت الى الكيسة الاقل سعرا
والا ستضطر الى ان تدفع فى القريب العاجل ثمن لباور سبلاى جديد
==============
طريقة معرفة جودة الباور سبلاى
عندكم جدول صغير كدا بيكون علي اليمين
بيكون فيه من فوق الفولت ودا مكتوب جنبه ارقام
وتحت الامبير وبرضو في ارقام
كل رقم نضربه في الرقم اللي تحته ونجمع النواتج مع بعض هيدينا القيمه الصحيحه
معظم البورات بتكون مكتوب عليها انها 700 واط و 500 واط وي وي وفي الاخر بتلاقي كله 250 واط
دي ماركات كويسه ممكن نشتري منها الباورات
CoolerMaster
Gigabyte
وإلى هنا انتهى درس اليوم
اراكم فى الدرس القادم